"Napoli"ga tegishli bo‘lgan "Galatasaroy" hujumchisi Viktor Osimxen Angliyaga ko‘chib o‘tishi mumkin.

Hujumchiga "Manchester Yunayted" qiziqish bildirishda davom etmoqda. Jurnalist Santi Auna bergan ma’lumotga ko‘ra, "qizil iblislar" vakillari Osimxenning agenti bilan ilk uchrashuvni o‘tkazishgan. 26 yoshli nigeriyalik yiliga taxminan 12 mln yevro ishlab topmoqchi. Mankunianliklar uchun ustuvor variant Lissabonning "Sporting" klubi futbolchisi Viktor Dyokeresh bo‘lib qolmoqda, ammo shvedni o‘z safiga qo‘shib olish ham oson bo‘lmaydi. Qisqa ro‘yxatda "Ipsvich" futbolchisi Liam Delap ham bor.

Viktor Osimxenning Transfermarkt portalidagi taxminiy narxi - 70 mln yevro.