"Наполи"га тегишли бўлган "Галатасарой" ҳужумчиси Виктор Осимхен Англияга кўчиб ўтиши мумкин.
Ҳужумчига "Манчестер Юнайтед" қизиқиш билдиришда давом этмоқда. Журналист Санти Ауна берган маълумотга кўра, "қизил иблислар" вакиллари Осимхеннинг агенти билан илк учрашувни ўтказишган. 26 ёшли нигериялик йилига тахминан 12 млн евро ишлаб топмоқчи. Манкунианликлар учун устувор вариант Лиссабоннинг "Спортинг" клуби футболчиси Виктор Дьёкереш бўлиб қолмоқда, аммо шведни ўз сафига қўшиб олиш ҳам осон бўлмайди. Қисқа рўйхатда "Ипсвич" футболчиси Лиам Делап ҳам бор.
Виктор Осимхеннинг Transfermarkt порталидаги тахминий нархи - 70 млн евро.













