“Manchester Siti” jamoasi o‘z rasmiy sayti orqali jamoa muxlislari ovoziga ko‘ra aprel oyining eng yaxshi futbolchisini e’lon qildi. Bu safargi g‘olib – yosh va iqtidorli yarim himoyachi Niko O'Rayli bo‘ldi.
19 yoshli angliyalik futbolchi joriy mavsumda “Siti”ning asosiy jamoasi safida muvaffaqiyatli harakat qilib, Pep Gvardiola ishonchini to‘liq oqlamoqda. Aprel oyida u bir necha muhim uchrashuvlarda asosiy tarkibda maydonga tushib, jamoaning hujumdagi harakatlarini yaxshi tashkil etdi va bir necha golli vaziyatlarda qatnashdi.
Bu mukofot yosh futbolchining klubdagi nufuzi oshib borayotganini ko‘rsatadi.
