Madridning “Atletiko” klubi Pablo Barrios bilan yangi shartnoma imzolaydi. Yangilangan kelishuv 2030 yilning yozigacha amal qiladi.
20 yoshli ispaniyalik yarim himoyachi so‘nggi ikki mavsumda Diyego Simeone qo‘l ostida asosiy jamoada mustahkam o‘rin egallab bormoqda. U joriy mavsumda La Liga va Yevropa Chempionlar Ligasida bir necha muhim o‘yinlarda jamoa markazida yetakchi vazifasini bajardi.
Barriosning faoliyatiga Ispaniya va Yevropaning bir qator yetakchi klublari ham qiziqish bildirgan edi. Ammo “Atletiko” rahbariyati uni kelajak asosiy loyihalarining bir qismi sifatida ko‘rib, shartnomani uzaytirishga ustuvor ahamiyat berdi.
Yangi shartnoma shartlariga ko‘ra, futbolchining tovon puli sezilarli darajada oshirilgan. Bu esa uning klubdan osonlik bilan ketib qolishini qiyinlashtiradi.
