Urugvaylik hujumchi Luis Suares “Atletiko”da 2020 yildan 2022 yilgacha to‘p tepgan va bu davrda klub bilan La Liga chempioni bo‘lgan. U Diyego Simeonening uning faoliyatidagi o‘rni haqida to‘xtalib o‘tdi.
“Bu murabbiy menga juda ko‘p narsani o‘rgatdi. U bilan ba’zi masalalarda tortishish, fikr almashish mumkin, lekin u menga ritmni qayta topish va o‘zimni isbotlash orqali kamchiliklarimni yopishda juda katta yordam berdi.
2020/21 mavsumi ajoyib o‘tdi. Murabbiy va barcha jamoadoshlarim menga yordam berishdi. Ular bilan birga “Atletiko” uchun yillar davomida kutilgan chempionlikni yutdim”, — dedi hozirda “Inter Mayami” safida to‘p tepayotgan Suares.
