Уругвайлик ҳужумчи Луис Суарес “Атлетико”да 2020 йилдан 2022 йилгача тўп тепган ва бу даврда клуб билан Ла Лига чемпиони бўлган. У Диего Симеоненинг унинг фаолиятидаги ўрни ҳақида тўхталиб ўтди.
“Бу мураббий менга жуда кўп нарсани ўргатди. У билан баъзи масалаларда тортишиш, фикр алмашиш мумкин, лекин у менга ритмни қайта топиш ва ўзимни исботлаш орқали камчиликларимни ёпишда жуда катта ёрдам берди.
2020/21 мавсуми ажойиб ўтди. Мураббий ва барча жамоадошларим менга ёрдам беришди. Улар билан бирга “Атлетико” учун йиллар давомида кутилган чемпионликни ютдим”, — деди ҳозирда “Интер Майами” сафида тўп тепаётган Суарес.
