Jurnalist Ekrem Konur xabariga ko‘ra, "qizil iblislar" 23 yoshli markaziy himoyachi Gonsalu Inasiu bilan yozda uning ehtimoliy transferi borasida muzokara olib borishi kutilmoqda.

Portugaliyalik ayni damda Yevropaning eng iqtidorli himoyachilaridan biri sanaladi. Yevropaning boshqa klublari ham uni kuzatib turishadi. Nufuzli Transfermarkt portali uning narxini 45 million yevroga baholamoqda.

Joriy mavsumda Gonsalu Inasiu "Sporting" safida barcha musobaqalarda 39 ta o‘yin o‘tkazib, 6 ta gol va 3 ta golli uzatmani amalga oshirgan.