Aytishlaricha, "Real" "Arsenal" safida o‘zini yaxshi ko‘rsatayotgan Vilyam Salibani o‘z safiga qo‘shib olishni ko‘zlamoqda. Madrid superklubi Salibani tekinga qo‘lga kiritishga yordam beradigan odatiy taktikani tanlagani haqida taxminlar bor. Bu 2027 yilning yozida amalga oshishi mumkin - aynan o‘shanda 24 yoshli futbolchining "kanonirlar" bilan amaldagi shartnomasi o‘z nihoyasiga yetadi.
"Real"dan bo‘lgan qiziqish fonida "Arsenal" harakat qila boshladi. L’Equipe nashrining xabar berishicha, London klubi sport direktori Andrea Berta Saliba bilan shartnomani uzaytirish bo‘yicha muzokaralarni boshlab yuborgan.
Vilyam Saliba "Transfermarkt" portali tomonidan 80 million yevroga baholanmoqda.
