Айтишларича, "Реал" "Арсенал" сафида ўзини яхши кўрсатаётган Вильям Салибани ўз сафига қўшиб олишни кўзламоқда. Мадрид суперклуби Салибани текинга қўлга киритишга ёрдам берадиган одатий тактикани танлагани ҳақида тахминлар бор. Бу 2027 йилнинг ёзида амалга ошиши мумкин - айнан ўшанда 24 ёшли футболчининг "канонирлар" билан амалдаги шартномаси ўз ниҳоясига етади.
"Реал"дан бўлган қизиқиш фонида "Арсенал" ҳаракат қила бошлади. L’Equipe нашрининг хабар беришича, Лондон клуби спорт директори Андреа Берта Салиба билан шартномани узайтириш бўйича музокараларни бошлаб юборган.
Вильям Салиба "Transfermarkt" портали томонидан 80 миллион еврога баҳоланмоқда.
