Chempionlar Ligasi yarim finalida “Inter”ning “Barselona” ustidan qozongan dramatik g‘alabasi butun futbol jamoatchiligiga kuchli taassurot qoldirdi — hatto odatda milanlik raqiblarini qo‘llab-quvvatlamaydiganlarga ham. Ulardan biri — “Milan”ning sobiq hujumchisi Aleshandre Pato.
Braziliyalik futbolchi ijtimoiy tarmoqdagi bayonotida “Inter”ning o‘yiniga yuqori baho berdi:
“Ha, men milanistaman. Lekin "Inter" qanday o‘yin namoyish etdi! Endi finalni sabrsizlik bilan kutyapman”, — deb yozdi Pato.
Eslatib o‘tamiz, Chempionlar Ligasi finali 31 may kuni Myunxenda bo‘lib o‘tadi. Unda “Inter” fransuz grandi “PSJ”ga qarshi maydonga tushadi.
