Чемпионлар Лигаси ярим финалида “Интер”нинг “Барселона” устидан қозонган драматик ғалабаси бутун футбол жамоатчилигига кучли таассурот қолдирди — ҳатто одатда миланлик рақибларини қўллаб-қувватламайдиганларга ҳам. Улардан бири — “Милан”нинг собиқ ҳужумчиси Алешандре Пато.
Бразилиялик футболчи ижтимоий тармоқдаги баёнотида “Интер”нинг ўйинига юқори баҳо берди:
“Ҳа, мен миланистаман. Лекин "Интер" қандай ўйин намойиш этди! Энди финални сабрсизлик билан кутяпман”, — деб ёзди Пато.
Эслатиб ўтамиз, Чемпионлар Лигаси финали 31 май куни Мюнхенда бўлиб ўтади. Унда “Интер” француз гранди “ПСЖ”га қарши майдонга тушади.
