“Chelsi” bosh murabbiyi Enso Mareska Konferensiyalar Ligasi yarim finalida “Yurgorden” ustidan 1:0 hisobida qozonilgan g‘alabadan so‘ng o‘z fikrlari bilan o‘rtoqlashdi.

“Juda xursandman. Ish bajarildi va endi finalga tayyorgarlik uchun deyarli 20 kun vaqtimiz bor. Umid qilaman, bu sovrinni yutolamiz. Jamoa yaxshi holatda, natijalarimiz ham ijobiy ketyapti. Biroq oldimizdagi 72 soat ichida muhim o‘yin bor — "Nyukasl"ga qarshi safardagi bahs. Bu juda muhim uchrashuv. Bizda yana uchta o‘yin bor va ularning har biri katta ahamiyatga ega”. — dedi Mareska UYEFA matbuot xizmatiga.