"Manchester Siti" o‘z tarkibini kuchaytirish ustida ishlamoqda. Insayder Janluka Di Marsioning xabar berishicha, klub "Flamengo"ning o‘ng qanot himoyachisi Ueslini xarid qilish bo‘yicha muzokaralarni faollashtirgan.
Xosep Gvardiolaning futbol falsafasiga mos keladigan Ueslining o‘yin uslubi "Siti" murabbiylarini qiziqtirmoqda. Biroq 21 yoshli futbolchiga boshqa kuchli klublar ham nazar tashlamoqda.
"Flamengo" esa Ueslini Klublar o‘rtasidagi jahon chempionati tugaguncha saqlab qolishni istamoqda. Ular futbolchining narxi ushbu turnirdan so‘ng yanada ko‘tarilishiga ishonmoqda.
Transfermarkt portaliga ko‘ra, Ueslining hozirgi bahosi — 15 million yevro.
