Yaqinda mavsum oxirida "Liverpul"ni tark etish qarorini e’lon qilgan Trent Aleksandr-Arnold "Arsenal"ga qarshi APL o‘yinida asosiy tarkibda maydonga tushmaydi, deya ma’lum qildi bosh murabbiy Arne Slot.
"Konor Bredli yakshanba kuni asosiyda o‘ynaydi, chunki u keyingi mavsumga tayyorgarlik ko‘rish uchun ko‘proq o‘yin o‘tkazishi kerak. Uni Trent bilan solishtirmaylik, ular ikki xil o‘yinchi. Afsuski, Bredli butun mavsum davomida tayyor emas, ammo biz "Liverpul" uchun juda yaxshi himoyachi sifatida unga ishonamiz", - dedi Slott jurnalistlarga.
"Liverpul" allaqachon Angliya chempionligini qo‘lga kiritgan.
