Premyer-liganing ikki yetakchi klubi "Manchester Siti" va "Manchester Yunayted" "Nyukasl"ning 25 yoshli yarim himoyachisi Sandro Tonaliga e’tibor qaratdi, deya xabar bermoqda jurnalist Nikolo Skira.
Manchester grandlari o‘zlarida katta taassurot qoldirgan italiyalikka qiziqish bildirmoqda.
2023 yilning yozida "Milan"dan "Nyukasl"ga o‘tgan Tonali jamoaning asosiy futbolchilaridan biriga aylandi. Turli musobaqalardagi 54 ta o‘yinda u oltita gol urishga va uchta golli uzatmani amalga oshirishga muvaffaq bo‘ldi.
Top-klublarning qiziqishlariga qaramay, "Nyukasl" klub bilan shartnomasi 2028 yilgacha amal qiladigan yarim himoyachi bilan xayrlashishni rejalashtirmayapti. Transfermarkt ma’lumotlariga ko‘ra, Sandro Tonalining bozor narxi 45 million yevroga baholanmoqda.
