Премьер-лиганинг икки етакчи клуби "Манчестер Сити" ва "Манчестер Юнайтед" "Ньюкасл"нинг 25 ёшли ярим ҳимоячиси Сандро Тоналига эътибор қаратди, дея хабар бермоқда журналист Николо Скира.
Манчестер грандлари ўзларида катта таассурот қолдирган италияликка қизиқиш билдирмоқда.
2023 йилнинг ёзида "Милан"дан "Ньюкасл"га ўтган Тонали жамоанинг асосий футболчиларидан бирига айланди. Турли мусобақалардаги 54 та ўйинда у олтита гол уришга ва учта голли узатмани амалга оширишга муваффақ бўлди.
Топ-клубларнинг қизиқишларига қарамай, "Ньюкасл" клуб билан шартномаси 2028 йилгача амал қиладиган ярим ҳимоячи билан хайрлашишни режалаштирмаяпти. Transferмаркт маълумотларига кўра, Сандро Тоналининг бозор нархи 45 миллион еврога баҳоланмоқда.
