Himoyachi Alexandro Balde va yarim himoyachi Mark Kasado La Liganing 35-turidan o‘rin olgan "Real"ga qarshi markaziy o‘yinda ishtirok etish uchun tibbiy ruxsatnoma olishdi. Bu haqda klub o‘z ijtimoiy tarmoqlarida rasman ma’lum qildi.
Ikkala futbolchi ham jarohatlaridan forig‘ bo‘lgan: Balde aprel oyida tizza osti payidan jarohat olib safdan chiqqan, Kasado esa bog‘lamlari shikastlangani uchun ikki oyga yaqin maydonga tusha olmagan. Endi har ikkala futbolchi ham murabbiylar shtabi ixtiyorida bo‘lib, bo‘lajak o‘yinda "ko‘k-anorranglilar" tarkibini kuchaytirishi mumkin.
Uchrashuv 11 may kuni Barselonadagi "Olimpik Lyuis Kompanis" stadionida bo‘lib o‘tadi, uchrashuv Toshkent vaqti bilan 19:15 ga belgilangan.













