Ayni damda Italiya chempionatida o‘ttiz oltinchi tur o‘yinlari o‘tkazimoqda. “Napoli” o‘z maydonida “Jenoa”ni qabul qildi, ammo g‘alabani qo‘lga kirita olmadi – o‘yin 2:2 hisobida yakunlandi.
O‘tgan o‘yindagi voqealarni "Jenoa" ustozi Patrik Viyeyra izohladi. Antonio Kontedan farqli o‘laroq, u jamoasi bu natijaga to‘liq loyiq deb hisoblaydi.
"Biz so‘nggi oylarda o‘rgangan barcha narsamizdan unumli foydalangan holda shiddatli o‘yin o‘tkazdik. O‘tkazib yuborilgan goldan keyin vahima qo‘ymadik va "Napoli"ga muammo tug‘dira oldik. O‘ylaymanki, biz ochko qo‘lga kiritdik va bu durangga munosib bo‘ldik", - deya Viyeyra so‘zlarini keltiradi calcionapoli1926.it.
“Jenoa” hozirda A Seriyada o‘n uchinchi o‘rinda bormoqda.
