UYEFA Bosh kotib o‘rinbosari Djordjo Marketti 2032 yilgi Yevropa chempionatiga Turkiya bilan birga mezbonlik qiladigan Italiyadagi futbol infratuzilmasi holatidan xavotir bildirdi.
Djordjo Marketti, xuddi o‘zidan oldingi UYEFA prezidenti Aleksandr Cheferin kabi, mamlakatning tayyorgarlik darajasini ochiq tanqid qilgan.
"Biz Italiyadagi vaziyatni diqqat bilan kuzatib boramiz. Bu dunyodagi eng buyuk futbol davlatlaridan biri, ammo bugungi kunda uning infratuzilmasi uning kuchi emas. Stadionlar zamonaviylikdan yiroq. O‘zgarishlar hali ham bo‘ladi deb umid qilamiz. Yevro o‘yinlarigacha hali vaqt bor va men Italiya kamida beshta standartlarga javob beradigan arenani taqdim etadi deb o‘ylayman", - dedi funksioner La Gazzetta dello Sport bilan suhbatda.
Italiya va Turkiya Yevro-2032 qo‘shma mezbonlari sifatida tanlandi. Biroq Yevropa futbol assosiasiyasi vakillariga ko‘ra, mamlakat yaqin kelajakda keng ko‘lamli modernizasiya ishlarini boshlamasa, mezbon davlatlar o‘zgarishi ehtimoli bor.
