Tayvo Avoniyi sun’iy komadan chiqdi.
Eslatib o‘tamiz, "Nottingem Forest" hujumchisi APLning 36-turidan o‘rin olgan "Lester"ga (2:2) qarshi o‘yinda ustunga urilib, qorin bo‘shlig‘idan jarohat olgan edi. Hujumchi Etoni Elangning uchrashuv so‘nggida yo‘llagan zarbasini darvozaga to‘g‘irlashga uringandi.
Xabar qilinishicha, futbolchi operasiya qilingan, shundan so‘ng uni sun’iy koma holatiga tushirishgan.
Endilikda shifokorlar muolajani yakunlashdi va nigeriyalik sun’iy komadan chiqdi, deb yozadi Daily Mail. Jarrohlik amaliyotidan keyin u hushida edi.













