"Real" so‘nggi yillarda himoyachilarga pul sarflash bo‘yicha uchinchi yuztalikka kirdi.
Madrid klubi so‘nggi 5 yil ichida himoyachilar uchun 5 mln yevro sarfladi - bu dunyodagi 236-natija, deya xabar bermoqda Transfermarkt.
Fran Garsiya 2023 yilda 5 million yevroga sotib olingan edi. Hammasi bo‘lib ushbu ampluadagi uchta futbolchi imzolandi. Antonio Ryudiger va David Alaba erkin agent sifatida keldi.
Ko‘rsatilgan davrda himoyachilarga sarf-xarajatlar bo‘yicha dastlabki beshta o‘rinni ingliz klublari egalladi.
1. "Chelsi" (13 ta transfer, 391,4 mln yevro)
2. "Tottenxem" (18 ta transfer, 358,1 mln)
3. "Man Siti" (9 ta transfer, 320,4 mln)
4. "Manchester Yunayted" (12 ta transfer, 281,2 mln)
5. "Arsenal" (11 ta transfer, 258,4 mln)
6. "PSJ" (12 ta transfer, 250,5 mln).
7. "Bavariya" (15 ta transfer, 224,5 mln).
8. "Aston Villa" (16 ta transfer, 195,9 mln).
9. "Vest Xem" (12 ta transfer, 193,5 mln).
10. "RB Leypsig" (13 ta transfer, 182,8 mln).
Avvalroq, "Real" Din Xeysenni "Bornmut"dan 50 mln funtga sotib olishi haqida xabarlar tarqalgan edi. Shuningdek, madridliklar "Benfika"dan Alvaro Karreras transferi ustida ishlamoqda. Trent Aleksandr-Arnold esa "Liverpul"dan tekinga o‘tishi kerak.
