"Реал" сўнгги йилларда ҳимоячиларга пул сарфлаш бўйича учинчи юзталикка кирди.

Мадрид клуби сўнгги 5 йил ичида ҳимоячилар учун 5 млн евро сарфлади - бу дунёдаги 236-натижа, дея хабар бермоқда Transfermarkt.

Фран Гарсия 2023 йилда 5 миллион еврога сотиб олинган эди. Ҳаммаси бўлиб ушбу амплуадаги учта футболчи имзоланди. Антонио Рюдигер ва Давид Алаба эркин агент сифатида келди.

Кўрсатилган даврда ҳимоячиларга сарф-харажатлар бўйича дастлабки бешта ўринни инглиз клублари эгаллади.

1. "Челси" (13 та трансфер, 391,4 млн евро)

2. "Тоттенхэм" (18 та трансфер, 358,1 млн)

3. "Ман Сити" (9 та трансфер, 320,4 млн)

4. "Манчестер Юнайтед" (12 та трансфер, 281,2 млн)

5. "Арсенал" (11 та трансфер, 258,4 млн)

6. "ПСЖ" (12 та трансфер, 250,5 млн).

7. "Бавария" (15 та трансфер, 224,5 млн).

8. "Астон Вилла" (16 та трансфер, 195,9 млн).

9. "Вест Хэм" (12 та трансфер, 193,5 млн).

10. "РБ Лейпциг" (13 та трансфер, 182,8 млн).

Аввалроқ, "Реал" Дин Хейсенни "Борнмут"дан 50 млн фунтга сотиб олиши ҳақида хабарлар тарқалган эди. Шунингдек, мадридликлар "Бенфика"дан Альваро Каррерас трансфери устида ишламоқда. Трент Александр-Арнольд эса "Ливерпуль"дан текинга ўтиши керак.