Xitoyning Jiangshan shahrida og‘ir atletika bo‘yicha Osiyo chempionati o‘z yakunida yetdi. Musobaqaning so‘nggi kunida eng og‘ir vazn toifalaridagi bellashuvlar tashkil etildi.

+109 kg vazn toifasida kechgan bahslarda hamyurtimiz Amir Abdullayev dast ko‘tarish mashqida 182 kg natija qayd etib, bronza medaliga sazovor bo‘ldi. Shu tariqa, terma jamoamizning mazkur musobaqada jamg‘argan medallari 3 ta oltin, 3 ta kumush va 6 ta bronzaga yetdi.

Ahamiyatlisi, ushbu natija bilan atletlarimiz umumjamoa hisobida to‘rtinchi o‘rinni egallashdi.