Himoyachi Erik Dayer Fransiya Liga 1 vakili "Monako"ga o‘tishi e’lon qilinganidan keyin muxlislarga murojaat qildi.
"Hammaga salom. Bu Erik Dayer. Fransuz tilim hali yetarli darajada yaxshi emasligidan afsusdaman, lekin tez orada bu o‘zgaradi. Yozda "Monako"ga o‘tishimni e’lon qilishdan juda xursandman. Boshlanishini, ushbu futbolkani kiyib, jamoadoshlarim va barchangiz bilan "Lui II" stadionida uchrashishni intiqlik bilan kutyapman. Bu klub uchun borimni beraman," - deb yozdi futbolchi o‘zining ijtimoiy tarmoqdagi sahifasida.
14 may kuni 31 yoshli Dayer "Monako" bilan 3 yillik shartnoma imzolagani ma’lum bo‘ldi. Avvalroq, himoyachi "Bavariya"ni erkin agent sifatida tark etgandi.













