"Liverpul" hujumchisi Luis Dias Ispaniya chempionatiga ketishi mumkin. Kolumbiyalik futbolchining transferiga Kataloniyaning "Barselona" klubi qiziqish bildirmoqda, deb xabar beradi Relevo.

Yuqoridagi manbaga ko‘ra, "ko‘k-anorranglilar" Diasni yozda asosiy transfer maqsadi sifatida belgilagan. Amalga oshirilishi mumkin bo‘lgan bitim summasi 80 million yevroga baholanmoqda.

Luis 2022 yildan beri Mersisayd grandida o‘ynamoqda. Hujumchi joriy mavsumda 48 ta o‘yin o‘tkazib, 17 ta gol va 8 ta golli uzatmani o‘z hisobiga yozdirib qo‘ydi. Kolumbiyalik va ingliz top-klubi o‘rtasidagi amaldagi shartnoma 2027 yilning yozida yakuniga yetadi.