"Bayer"ning qanot himoyachisi Jeremi Frimpong tez orada "Liverpul"ga ko‘chib o‘tishi kutilmoqda. Bu haqda insayder Fabrisio Romano xabar bermoqda.

Manbaga ko‘ra, Frimpong bo‘yicha kelishuv yakuniy bosqichda. Ta’kidlanishicha, shaxsiy shartnomadagi barcha detallar deyarli kelishib olingan, transfer summasi borasida esa hech qanday muammo bo‘lmaydi, chunki "Liverpul" 35-40 mln yevro tovon puli to‘lashga tayyor.

Joriy mavsumda 24 yoshli Frimpong barcha musobaqalarda 48 ta o‘yinda maydonga tushib, 5 ta gol urdi va 12 ta golli uzatmani amalga oshirdi.