"Байер"нинг қанот ҳимоячиси Жереми Фримпонг тез орада "Ливерпуль"га кўчиб ўтиши кутилмоқда. Бу ҳақда инсайдер Фабрицио Романо хабар бермоқда.
Манбага кўра, Фримпонг бўйича келишув якуний босқичда. Таъкидланишича, шахсий шартномадаги барча деталлар деярли келишиб олинган, трансфер суммаси борасида эса ҳеч қандай муаммо бўлмайди, чунки "Ливерпуль" 35-40 млн евро товон пули тўлашга тайёр.
Жорий мавсумда 24 ёшли Фримпонг барча мусобақаларда 48 та ўйинда майдонга тушиб, 5 та гол урди ва 12 та голли узатмани амалга оширди.
