"Barselona" yarim himoyachisi Dani Olmoning agenti futbolchiga "Manchester Siti" qiziqish bildirayotgani haqidagi OAV xabarlariga izoh berdi.
"Biz boshqa hech qaysi klub bilan muzokara o‘tkazmayapmiz. Dani hozir Barselonada juda baxtli - u sovrinlar yutmoqda va ajoyib jamoaning bir qismi.
Mish-mishlar haqiqatga to‘g‘ri kelmaydi. Ammo, albatta, kelajakda nima bo‘lishini hech qachon bilmaysan," - dedi Endi Bara.
Eslatib o‘tamiz, kataloniyaliklar futbolchini o‘tgan yilning avgustida "Leypsig"dan 55+7 million yevro evaziga sotib olgan edi.
Debyut mavsumida 27 yoshli ispaniyalik 37 ta uchrashuvda 11 ta gol urdi va 6 ta golli uzatmani amalga oshirdi.
