"Barselona" bosh murabbiyi Xans-Diter Flik jamoadan kelasi mavsumda nima kutayotgani haqida gapirdi.
Germaniyalik murabbiyning Kataloniya superklubidagi debyut mavsumi juda yaxshi bo‘ldi: "ko‘k-anorranglilar" Ispaniyadagi barcha sovrinlarni qo‘lga kiritib, La Liga, Kubok va Superkubokda g‘alaba qozonishdi, Chempionlar Ligasida esa yarim finalga chiqishdi.
"Muvaffaqiyatimizdan xursand bo‘lib yig‘layotgan odamlarni ko‘rdim. Bu fantastika. Keyingi mavsumda yanada yaxshiroq bo‘lishimiz uchun mas’uliyat mening zimmamda. Bizning mentalitetimiz va yangi mavsumga bo‘lgan munosabatimiz juda aniq - biz g‘alaba qozonishda davom etmoqchimiz," - deya Flikning so‘zlarini keltiradi Barca Universal.
