"Барселона" бош мураббийи Ханс-Дитер Флик жамоадан келаси мавсумда нима кутаётгани ҳақида гапирди.
Германиялик мураббийнинг Каталония суперклубидаги дебют мавсуми жуда яхши бўлди: "кўк-анорранглилар" Испаниядаги барча совринларни қўлга киритиб, Ла Лига, Кубок ва Суперкубокда ғалаба қозонишди, Чемпионлар Лигасида эса ярим финалга чиқишди.
"Муваффақиятимиздан хурсанд бўлиб йиғлаётган одамларни кўрдим. Бу фантастика. Кейинги мавсумда янада яхшироқ бўлишимиз учун масъулият менинг зиммамда. Бизнинг менталитетимиз ва янги мавсумга бўлган муносабатимиз жуда аниқ - биз ғалаба қозонишда давом этмоқчимиз," - дея Фликнинг сўзларини келтиради Barca Universal.
