"Nissa" va Polsha terma jamoasi darvozaboni Marsin Bulkaga "Galatasaroy" jiddiy qiziqish bildirmoqda.
GFFN nashrining Footmercato'ga tayanib xabar berishicha, turk grandi 25 yoshli darvozabonning ehtimoliy transferi bo‘yicha muzokaralarni boshlab yuborgan. Bulkaning fransuz klubi bilan shartnomasi 2026 yilning yozigacha amal qiladi, ammo "Nissa" bilan kelishuvni uzaytirish bo‘yicha muzokaralar to‘xtatilgani aytilmoqda. Futbolchining o‘zi ham yaqin transfer oynasida jamoasi o‘zgarishini istisno qilmayapti.
Liga 1 yakunlangan mavsumida Bulka 34 ta o‘yinda maydonga tushdi va ularning sakkiztasida darvozasi daxlsizligini saqlab qoldi. Uning ishonchli o‘yini "Nissa"ga 4-o‘rinni egallab, Chempionlar Ligasi yo‘llanmasini qo‘lga kiritishiga yordam berdi.













