"Ницца" ва Польша терма жамоаси дарвозабони Марцин Булкага "Галатасарой" жиддий қизиқиш билдирмоқда.
GFFN нашрининг Footmercato'га таяниб хабар беришича, турк гранди 25 ёшли дарвозабоннинг эҳтимолий трансфери бўйича музокараларни бошлаб юборган. Булканинг француз клуби билан шартномаси 2026 йилнинг ёзигача амал қилади, аммо "Ницца" билан келишувни узайтириш бўйича музокаралар тўхтатилгани айтилмоқда. Футболчининг ўзи ҳам яқин трансфер ойнасида жамоаси ўзгаришини истисно қилмаяпти.
Лига 1 якунланган мавсумида Булка 34 та ўйинда майдонга тушди ва уларнинг саккизтасида дарвозаси дахлсизлигини сақлаб қолди. Унинг ишончли ўйини "Ницца"га 4-ўринни эгаллаб, Чемпионлар Лигаси йўлланмасини қўлга киритишига ёрдам берди.
