Londonning "Arsenal" klubi himoyachisi Rikardo Kalafyori klubni tark etishi mumkinligi haqida fikr bildirdi.

Qayd etilishicha, Kalafyorining transferiga "Milan" qiziqish bildirmoqda. Futbolchi bu mish-mishlarni rad etdi.

"Men "Arsenal"da juda baxtliman. Yaxshi formada bo‘lganimda doim o‘ynardim. Maqsadim - yil davomida formada bo‘lish. Bu yerda men eng qiyin chempionatda o‘z kuchimni sinab ko‘rdim, unda ishtirok eta olishimni ko‘rdim. Bu meni baxtli qildi va tanlovning to‘g‘riligiga ishontirdi. Men hech narsadan afsuslanmayman, mutlaqo," - deya futbolchining so‘zlarini keltiradi jurnalist Janluka di Marsio sayti.