Лондоннинг "Арсенал" клуби ҳимоячиси Рикардо Калафьори клубни тарк этиши мумкинлиги ҳақида фикр билдирди.

Қайд этилишича, Калафьорининг трансферига "Милан" қизиқиш билдирмоқда. Футболчи бу миш-мишларни рад этди.

"Мен "Арсенал"да жуда бахтлиман. Яхши формада бўлганимда доим ўйнардим. Мақсадим - йил давомида формада бўлиш. Бу ерда мен энг қийин чемпионатда ўз кучимни синаб кўрдим, унда иштирок эта олишимни кўрдим. Бу мени бахтли қилди ва танловнинг тўғрилигига ишонтирди. Мен ҳеч нарсадан афсусланмайман, мутлақо," - дея футболчининг сўзларини келтиради журналист Жанлука ди Марцио сайти.