"Bavariya"dan mavsum oxirigacha ijaraga olingan "Tottenxem" hujumchisi Matis Tel Londonda qolishi mumkin.
"Shporlar" fransuzning o‘yinidan mamnun va unda katta salohiyat ko‘rmoqda. Insayder Fabrisio Romanoning ma’lum qilishicha, "Tottenxem" "Bavariya" bilan Telni sotib olish bo‘yicha kelishuvga erishishga urinib ko‘radi, ammo ijara shartnomasida ko‘rsatilganidan ko‘ra o‘zi uchun foydaliroq shartlarda. Hujumchining qarori ko‘p jihatdan Yevropa ligasining bo‘lajak finali natijasiga bog‘liq bo‘ladi: agar jamoa Chempionlar ligasiga yo‘llanma olsa, futbolchi londonliklar safida o‘ynashni davom ettirishga rozi bo‘lish ehtimoli oshadi.
Matis Tel Ange Postekoglu jamoasi safida 19 ta o‘yinda maydonga tushib, 3 ta gol urgan va 1 ta golga assistentlik qilgan.
