"Бавария"дан мавсум охиригача ижарага олинган "Тоттенхэм" ҳужумчиси Матис Тель Лондонда қолиши мумкин.
"Шпорлар" французнинг ўйинидан мамнун ва унда катта салоҳият кўрмоқда. Инсайдер Фабрицио Романонинг маълум қилишича, "Тоттенхэм" "Бавария" билан Телни сотиб олиш бўйича келишувга эришишга уриниб кўради, аммо ижара шартномасида кўрсатилганидан кўра ўзи учун фойдалироқ шартларда. Ҳужумчининг қарори кўп жиҳатдан Европа лигасининг бўлажак финали натижасига боғлиқ бўлади: агар жамоа Чемпионлар лигасига йўлланма олса, футболчи лондонликлар сафида ўйнашни давом эттиришга рози бўлиш эҳтимоли ошади.
Матис Тель Анге Постекоглу жамоаси сафида 19 та ўйинда майдонга тушиб, 3 та гол урган ва 1 та голга ассистентлик қилган.
