Испаниянинг «Депортиво» клуби ҳужумчиси Пьер-Эмерик Обамеянг Габон терма жамоасида бошқа ўйнамаслигини маълум қилди.
37 ёшли футболчининг айтишича, у миллий жамоа атрофидаги муносабатлар туфайли ўзини ҳақоратланган ва камситилган ҳис қилган.
«Мени камситишди. Африка кубогида жароҳат билан ўйнаганимда эса обрўмга путур етказишди. Бу сўнгги томчи бўлди ва мен тўхташга қарор қилдим», — деди Обамеянг.
Шу билан бирга, бу футболчининг терма жамоадаги фаолиятини якунлашини биринчи марта эълон қилиши эмас. Аввал ҳам у турли келишмовчиликлар ва тушкунликлар сабаб миллий жамоадан кетиш ҳақида қарор қабул қилган.
