Ruben Amorimning aytishicha, Yevropa ligasida g‘alaba qozonish "Manchester Yunayted" uchun katta muvaffaqiyat bo‘lmaydi.
APL turnir jadvalida 16-o‘rinni egallab turgan ingliz klubi bugun Yevropa Ligasi final uchrashuvida 17-o‘rinda borayotgan "Tottenxem"ga qarshi maydonga tushadi.
G‘olib keyingi mavsumda Chempionlar ligasining umumiy bosqichiga yo‘llanma oladi.
"Klubimiz uchun bu eng muhimi emasligini aytganimda, aynan shuni nazarda tutaman. Kechirasiz, lekin "Manchester Yunayted" uchun Yevropa ligasida g‘alaba qozonish unchalik muhim emas.
Biz Premyer-liga va Chempionlar ligasi chempionligini maqsad qilishimiz kerak, biz hozir bundan yiroqmiz.
Albatta, bu mening fikrim. Yevropa ligasida g‘alaba qozonish - bu Yevropa chempionligi, lekin menda doim bu yetarli emasligini his qilaman", - dedi "Manchester Yunayted" bosh murabbiyi Goal bilan suhbatda.













