"Barselona" sport direktori Deku jamoa tarkibini kuchaytirish rejalari haqida fikr bildirdi. Uning aytishicha, Kataloniya klubi avvalo hozirgi futbolchilar bilan shartnomalarni uzaytirishga harakat qilmoqda.
"Bizning asosiy maqsadimiz - qo‘limizdagi imkoniyatlarni mustahkamlash. Pedri, Gavi, Arauxo, Rafinya, Kunde kabi o‘yinchilar bilan shartnomalarni uzaytirishni xohlaymiz... Odamlar yangi transfer haqida gapirganda, ko‘pincha yangi futbolchilarni nazarda tutishadi. Ammo men uchun shartnoma uzaytirish ham xuddi shunday ahamiyatli. Yamal esa tarixdagi eng yaxshi transfer," - deya ta’kidladi Deku RAC1 nashrida bergan intervyusida.
Eslatib o‘tamiz, chorshanba kuni "Barselona" jamoa bosh murabbiyi Xans-Diter Flik bilan shartnomani uzaytirganini e’lon qilgandi.
