"Барселона" спорт директори Деку жамоа таркибини кучайтириш режалари ҳақида фикр билдирди. Унинг айтишича, Каталония клуби аввало ҳозирги футболчилар билан шартномаларни узайтиришга ҳаракат қилмоқда.
"Бизнинг асосий мақсадимиз - қўлимиздаги имкониятларни мустаҳкамлаш. Педри, Гави, Араухо, Рафинья, Кунде каби ўйинчилар билан шартномаларни узайтиришни хоҳлаймиз... Одамлар янги трансфер ҳақида гапирганда, кўпинча янги футболчиларни назарда тутишади. Аммо мен учун шартнома узайтириш ҳам худди шундай аҳамиятли. Ямал эса тарихдаги энг яхши трансфер," - дея таъкидлади Деку RAC1 нашрида берган интервьюсида.
Эслатиб ўтамиз, чоршанба куни "Барселона" жамоа бош мураббийи Ханс-Дитер Флик билан шартномани узайтирганини эълон қилганди.
