Madridning "Real" klubi yarim himoyachisi Jud Bellingem yozda bo‘lib o‘tadigan klublar o‘rtasidagi jahon chempionatidan so‘ng Luka Modrich jamoani tark etishiga munosabat bildirdi. Bellingem ijtimoiy tarmoqlarda Modrichga ta’sirli xabar qoldirdi.

Angliyalik futbolchi xorvatiyalik yarim himoyachi bilan bir jamoada o‘ynaganidan faxrlanishini aytdi.

"Birodar, har bir pas, har bir dribling va har bir zarba uchun chin qalbimdan minnatdorman, lekin bundan ham ko‘proq, har bir suhbat, har bir quchoqlash, har bir taom va menga bergan donolik va maslahatlaring uchun rahmat" - deb yozdi Bellingem.

Jud Bellingxem, shuningdek, muxlislarni Modrichni shanba kuni "Santyago Bernabeu"da ajoyib tarzda kuzatib qo‘yishga chaqirdi.