Мадриднинг "Реал" клуби ярим ҳимоячиси Жуд Беллингем ёзда бўлиб ўтадиган клублар ўртасидаги жаҳон чемпионатидан сўнг Лука Модрич жамоани тарк этишига муносабат билдирди. Беллингем ижтимоий тармоқларда Модричга таъсирли хабар қолдирди.

Англиялик футболчи хорватиялик ярим ҳимоячи билан бир жамоада ўйнаганидан фахрланишини айтди.

"Биродар, ҳар бир пас, ҳар бир дриблинг ва ҳар бир зарба учун чин қалбимдан миннатдорман, лекин бундан ҳам кўпроқ, ҳар бир суҳбат, ҳар бир қучоқлаш, ҳар бир таом ва менга берган донолик ва маслаҳатларинг учун раҳмат" - деб ёзди Беллингем.

Жуд Беллингхем, шунингдек, мухлисларни Модрични шанба куни "Сантяго Бернабеу"да ажойиб тарзда кузатиб қўйишга чақирди.