UYEFA Yevropa ligasida mavsumning eng yaxshi futbolchisini aniqladi.
Sovrinni "Tottenxem" himoyachisi Kristian Romero oldi. Ushbu turnir davomida argentinalik futbolchi 7 ta o‘yin o‘tkazib, 1 ta golli uzatmani amalga oshirdi. Shuningdek, u "Manchester Yunayted"ga qarshi final uchrashuvida ham eng yaxshi futbolchi deb topildi.
Mavsumning ramziy terma jamoasi quyidagicha ko‘rinish oldi:
Darvozabon: Gulyelmo Vikario («Tottenxem»);
Himoyachilar: Fredrik Byerkan («Bude-Glimt»), Robin Kox («Ayntraxt»), Kristian Romero, Pedro Porro (ikkalasi – «Tottenxem»);
Yarim himoyachilar: Kazemiro, Brunu Fernandesh (ikkalasi – «Manchester Yunayted»), Patrik Berg («Bude-Glimt»);
Hujumchilar: Niko Uilyams («Atletik»), Dominik Solanke («Tottenxem»), Rayan Sherki («Lion»).
