Italiya chempionatida so‘nggi 38-tur o‘yinlari bo‘lib o‘tmoqda. "Napoli" "Kalyari"ni mag‘lub etib, chempionlikni qaytarib oldi. Shu tariqa, "Napoli" Italiya chempionati rekordini o‘rnatdi.
Gap shundaki, "Napoli" avvalgi chempionatda atigi o‘ninchi o‘rinni egallagandi. Ilgari hech kim mavsumni o‘ninchi o‘rinda yakunlab, kelasi yili chempion bo‘lishga muvaffaq bo‘lmagan edi. Shu ma’noda, neapolliklar A Seriya tarixidagi eng yorqin kambekni namoyish etishdi.
Eslatib o‘tamiz, "Napoli" o‘z tarixida to‘rtinchi marta, 21-asrda esa ikkinchi marta Italiya chempioni bo‘ldi.
