Италия чемпионатида сўнгги 38-тур ўйинлари бўлиб ўтмоқда. "Наполи" "Кальяри"ни мағлуб этиб, чемпионликни қайтариб олди. Шу тариқа, "Наполи" Италия чемпионати рекордини ўрнатди.
Гап шундаки, "Наполи" аввалги чемпионатда атиги ўнинчи ўринни эгаллаганди. Илгари ҳеч ким мавсумни ўнинчи ўринда якунлаб, келаси йили чемпион бўлишга муваффақ бўлмаган эди. Шу маънода, неаполликлар А Серия тарихидаги энг ёрқин камбэкни намойиш этишди.
Эслатиб ўтамиз, "Наполи" ўз тарихида тўртинчи марта, 21-асрда эса иккинчи марта Италия чемпиони бўлди.
