Kevin de Bryuyne kelajagini keyingi haftada hal qiladi.

33 yoshli yarim himoyachi mavsum yakunida "Manchester Siti"ni tark etadi.

Jurnalist Ben Jeykobsning yozishicha, so‘nggi bir necha kun ichida futbolchi "Napoli" bilan moliyaviy shartlarni kelishib olgan, ammo "Chikago Fayr"ning taklifi ham ko‘rib chiqilmoqda. MLS klubi bir mavsum uchun kamida 12 mln dollar taklif qilmoqda, bu neapolliklar taklifidan ikki barobar ko‘p.

Shu bilan birga, belgiyalik futbolchi moliyaviy parametrlarga emas, balki oilasi va 2026 yilgi jahon chempionatiga tayyorgarlik uchun qaysi variant yaxshiroq bo‘lishiga qarab qaror qabul qiladi.

Har ikki klub ham o‘z taklifiga javob kutmoqda. De Bryuynening o‘zi klublar o‘rtasidagi jahon chempionatida o‘ynash-o‘ynamasligini aniqlashi kerak.