"Barselona" Joan Garsiya transferi bo‘yicha o‘z pozisiyasini mustahkamladi.

Cadena SER xabariga ko‘ra, "Espanyol" darvozaboni allaqachon prinsipial kelishuvga ega bo‘lgan "Barselona"ga o‘tadi.

Futbolchi uchun 25 yoki 30 mln yevro tovon puli to‘lash kerak - agar darvozabon Ispaniya terma jamoasiga chaqirilsa, summa oshadi. Qayd etilishicha, "Barselona" klubi bunday bozor imkoniyatini qo‘ldan boy bera olmasligini tushunib turibdi.

Maoshlar chegarasi joriy etilishini kutayotgan "Barselona" darvozabonni La Liga jamoalaridan biriga bir mavsumga ijaraga berishi mumkin. Garsiyani "Betis" va "Valensiya" o‘z safiga qo‘shib olmoqchi. Darvozabonning o‘zi ijaraga ketish imkoniyatini ko‘rib chiqishga tayyor, chunki u o‘ynashni xohlaydi.

Shu bilan birga, jamoa darvozabonlari bilan bog‘liq vaziyat to‘liq aniq emas - 33 yoshli Mark-Andre ter Shtegen qanday formada bo‘lishi va 35 yoshli Voychex Shesni shartnomani uzaytirishi noma’lum.