"Барселона" Жоан Гарсия трансфери бўйича ўз позициясини мустаҳкамлади.
Cadena SER хабарига кўра, "Эспаньол" дарвозабони аллақачон принципиал келишувга эга бўлган "Барселона"га ўтади.
Футболчи учун 25 ёки 30 млн евро товон пули тўлаш керак - агар дарвозабон Испания терма жамоасига чақирилса, сумма ошади. Қайд этилишича, "Барселона" клуби бундай бозор имкониятини қўлдан бой бера олмаслигини тушуниб турибди.
Маошлар чегараси жорий этилишини кутаётган "Барселона" дарвозабонни Ла Лига жамоаларидан бирига бир мавсумга ижарага бериши мумкин. Гарсияни "Бетис" ва "Валенсия" ўз сафига қўшиб олмоқчи. Дарвозабоннинг ўзи ижарага кетиш имкониятини кўриб чиқишга тайёр, чунки у ўйнашни хоҳлайди.
Шу билан бирга, жамоа дарвозабонлари билан боғлиқ вазият тўлиқ аниқ эмас - 33 ёшли Марк-Андре тер Штеген қандай формада бўлиши ва 35 ёшли Войчех Шесни шартномани узайтириши номаълум.
