Milanning "Inter" klubi prezidenti Juzeppe Marotta UYEFA Chempionlar Ligasi finali oldidan rasmiy bayonot bilan chiqdi. Finalda "neradzurrilar" Fransiyaning "PSJ" jamoasiga qarshi maydonga tushadi. Bellashuv 2025 yil 31 may kuni Germaniyaning Myunxen shahrida bo‘lib o‘tadi.

Prezident Juzeppe Marotta shunday dedi:

«Biz tarixiy va nufuzli uchrashuv — Yevropadagi eng muhim futbol musobaqasining finali arafasida turibmiz. So‘nggi uch mavsum ichida ikkinchi marta ushbu bosqichga yetib keldik. Bu muvaffaqiyatga murabbiyimiz va jamoamiz olib kelgan mehnat va "Inter" har qanday vaziyatda namoyon qilgan sadoqat tufayli erishdik.

Bir necha oy oldin klub egalari almashdi. Ular shu paytgacha bizga doimiy qo‘llab-quvvatlash ko‘rsatmoqda. Biz Italiya Kubogi yarim finaliga chiqdik va chempionlikka bir qadam qoldi. Bu kichik farq edi, lekin biz sevgan sport shunday — kurash har doim oson kechmaydi.

Biz raqiblarimizga nisbatan 19 ta ko‘proq o‘yin o‘tkazdik — bu yarim mavsumga teng. Bu katta jismoniy va ma’naviy resurs talab qiladi. Shunga qaramay, murabbiy va jamoa bizga shu darajaga chiqish imkonini berdi.

Biz "Bavariya" va "Barselona" kabi jahon gigantlarini mag‘lub etdik — bu musobaqa haqiqatan ham eng nufuzli hisoblanadi. Bu klubimiz tarixidagi yettinchi final bo‘ladi va biz unda o‘z izimiz qoldirmoqchimiz.

Biz mag‘rur bo‘lmasligimiz, ammo ambisiyali bo‘lishimiz kerak. Biz chaqiruvlarni qabul qilamiz va ularga yuzma-yuz javob beramiz. Finalga chiqishimiz tasodif emas, va yana Yevropa miqyosida o‘z yurtimizni namoyon etish imkoniga egamiz. Bu — katta g‘urur.

Biz muxlislarimiz bilan faxrlanamiz, chunki ular mavsum davomida har bir qadamimizda biz bilan bo‘lishdi».