"Manchester Yunayted" bosh murabbiyi Ruben Amorim Chempionlar ligasini o‘tkazib yuborish uning jamoasiga keyingi mavsumda "afzallik" berishini aytdi.

Yevropa ligasi finalida "Tottenxem"ga yutqazib qo‘ygan "Manchester Yunayted" nafaqat Chempionlar ligasidan, balki umuman Yevropa musobaqalaridan ham chiqib ketdi, chunki "qizil iblislar" Premyer-ligada 15-o‘rinni egalladi.

"Bizda doim ikkita reja bor: Chempionlar ligasi bilan va usiz. Chempionlar ligasisiz esa bizga katta tarkib kerak emas.

Biz o‘z tarkibimizni yaxshiroq nazorat qila olamiz. Bizda hali yangi o‘yinchilarni olib kelish rejamiz bor, ammo umumiy reja - tarkibni yaxshilash, akademiyani yaxshilash.

Bu o‘tmishda ishlagan, shuning uchun kelajakda ham ishlashi mumkin. Moliyaviy feyr-pley tufayli biz u qadar ko‘p narsani o‘zgartira olmaymiz. Chempionlar ligasiga ega bo‘lganimizda ham bunga ruxsat berilmasdi, lekin biz tayyormiz.

Aytishim kerakki, Chempionlar ligasiga kirmaslik biz uchun ustunlik bo‘lib, yaxshiroq o‘yinlar o‘tkazishimizga va kelajak uchun jamoaning o‘zagini qurishimizga imkon beradi.

Shunday ekan, yevrokuboklarda o‘ynamaslikdan unumli foydalanganimiz yaxshi bo‘ladi", - dedi Amorim Sky Sports bilan suhbatda.